Grunaðir um hópárás með kylfu

Meint árás er sögð hafa átt sér stað fyrir utan Krambúðina við Borgarbraut, Akureyri, í lok febrúarmánaðar 2023.

Í ákæru sem fréttastofa hefur undir höndum segir að tveir þremenningana hafi ráðist á manninn með ítrekuðum höggum og spörkum í höfuð og búk meðan hann lá í jörðinni. Þriðji árásarmaðurinn hafi svo slegið hann þrisvar sinnum með kylfu í líkamann.

Fyrir vikið hafi sá sem varð fyrir árásinni hlotið ýmsa áverka. Hann „hlaut brot í þvertindum á lendhryggjarliðum, mar neðarlega á baki á hrygg og að síðu, skrámur á bak, skrámur og fleiður á hnúum beggja handa, skrámu og eymsli í hægra hné og margúl og fleiður á höfuð“.

Héraðsdómur norðurlands eystra mun dæma í málinu.