Vals­menn án þriggja lykil­manna í leiknum mikil­væga gegn Stjörnunni

Aga- og úrskurðarnefnd Knattspyrnusambands Íslands kom saman í dag og þar voru komandi leikbönn staðfest.

Í úrskurði aganefndar kemur fram að þeir Hólmar Örn Eyjólfsson, Orri Sigurður Ómarsson og Aron Jóhannsson verði allir í leikbanni vegna fjölda gulra spjalda. Alex Þór Hauksson tekur að sama skapi út leikbann hjá Stjörnunni í leiknum.

Valur er sem stendur með 40 stig í toppsætinu en Stjarnan er í 3. sæti með 37 stig. Það er því deginum ljósara að úrslit leiksins munu að öllum líkindum hafa bein áhrif á hvaða lið stendur uppi sem Íslandsmeistari.

Leikurinn fer fram á Hlíðarenda þann 14. september næstkomandi og verður í beinni útsendingu Sýnar Sport.

Aðrir sem eru á leið í leikbann eru:

• Viktor Karl Einarsson (Breiðablik)
• Milan Tomic (ÍBV)
• Jóan Símun Edmundsson (KA)
• Fatai Gbadamosi (Vestri)

Lokaumferð Bestu deildar karla

Sunnudagurinn 14. september (Allir klukkan 14.00)

• FH – Fram
• KA – Vestri
• KR – Víkingur
• Valur – Stjarnan

Mánudagurinn 15. september

• 16.45 ÍA – Afturelding
• 18.00 Breiðablik – ÍBV