Löng bið Haraldar, um­deild kynjafræði og ís­lenska í út­rýmingar­hættu

Til stendur að efla þekkingu kennara á öllum skólastigum í kynjafræði til þess að halda megi úti kennslu í faginu samkvæmt jafnréttisáætlun, sem er nú til meðferðar í allsherjar- og menntamálanefnd Alþingis. Kennslan þykir umdeild og hefur verið gagnrýnd í þingsal. Kennari í kynjafræði mætir í myndver í beinni útsendingu.

Við heyrum einnig í Íslendingi í Osló sem heyrði vel í sprengjunni sem sprakk í borginni í gær. Hann segir fólki brugðið en tveir unglingar eru í haldi vegna málsins.

Þá heyrum við í Eiríki Rögnvaldssyni, prófessor, sem hefur áhyggjur af því að íslenska deyi út í ákveðnum kimum samfélagsins, verði ekki brugðist við. Auk þess kíkjum við til Grænlands þar sem þjóðhátíðardagur Íslendinga er orðinn að opinberum fánadegi og förum á minningartónleika um Gylfa Ægisson sem fóru fram á Hrafnistu í dag. Bróðir hans efndi til tónleikannna og lék fyrir fullum sal.

Í Sportpakkanum hittum við langmarkahæsta leikmann Bestu deildar kvenna og í Íslandi í dag kynnum við okkur gufu, eða gusuæði, sem gengur yfir landið.

Þetta og margt fleira á samtengdum rásum Bylgjunnar, Stöðvar 2 og Vísis klukkan 18:30.