Borgar­stjóri og bombur í brjálaðri GusGus-gleði

Voru þetta sérstakir þrjátíu ára afmælistónleikar sveitarinnar sem tók alla sína helstu smelli, sem eru ófáir frá síðustu áratugum. Þá stefnir GusGus á að halda aukatónleika snemma á næsta ári fyrir þau sem misstu af, já eða vilja bara skella sér aftur! 

Í kjarna hópsins í dag eru stofnmeðlimirnir Daníel Ágúst og Biggi Veira, auk Margrétar Rán úr Vök sem hefur verið með þeim síðan 2020. 

Ásamt þeim stigu President Bongo, Högni, Birnir, Páll Óskar, Maggi Jóns, Unnsteinn Manuel og Tatjana á svið sem sérstakir afmælisgestir en öll hafa þau á einhvern hátt verið hluti af GusGus, sem meðlimir eða í skapandi samstarfi á síðustu 30 árum. Um upphitun sáu Maggi Lego, T-World, Magugu og DJ Margeir.

Sömuleiðis voru mörg þekkt andlit í salnum og þar á meðal var Heiða Björg Hilmisdóttir borgarstjóri í mega stuði. 

Hér má sjá vel valdar myndir frá tónleikunum: