Vildi ekki svara spurningum um afa sinn, Donald Trump

Brennandi ástríða Donalds Trumps, forseta Bandaríkjanna, fyrir golfi er vel þekkt og hún virðist líka ganga í erfðir.

Aðfaranótt fimmtudags keppir hin átján ára gamla Kai Trump, 18 ára, í fyrsta sinn á LPGA-mótaröðinni á mótinu „The Annika“ þar sem Annika Sörenstam er gestgjafi, og fyrir mótið hélt hún blaðamannafund.

Þegar Kai Trump fór í viðtal fyrir mótið þá vildi hún greinilega ekki svara spurningum um afa sinn, Donald Trump.

Þau tvö hafa spilað heilmikið golf saman og Kai var spurð um það hvernig leikirnir gegn afa hennar, Donald Trump, gangi. Hún hikaði við.

„Þið getið velt því fyrir ykkur,“ svarar Kai síðan en sænska ríkisútvarpið segir frá.

Og það kom ekki á óvart að spurningin um hvort þeirra væri betra í golfi kom upp, spurning sem hún hafði ekki áhuga á að svara.

„Ég get ekki sagt mikið um það,“ svarar Kai.

Efasemdir um golfhæfileika Donalds Trumps hefur lengi verið umræðuefni í Bandaríkjunum en enginn veit nákvæmlega hversu góður forsetinn er.

Kai Trump er í 461. sæti heimslistans og er langt frá því að tryggja sér fastan keppnisrétt á mótaröðinni. Ástæðan fyrir því að hún tekur þátt í móti vikunnar er vegna boðs frá styrktaraðila.

Það er að miklu leyti vegna stórs fylgjendahóps hennar á Instagram, þar sem 2,5 milljónir manna fylgja barnabarni forsetans.

„Við tökum þegar eftir því að fylgjendahópur Kai hefur stuðlað að auknum áhuga,“ segir Annika Sörenstam við Aftonbladet.

Það verður hægt að fylgjast með mótinu í beinni útsendingu á SÝN Sport 4 og hefst útsendingin i dag klukkan 15.00.