Missti til­finninguna í fingrunum eftir bræðiskastið á HM

Menzies brást illa við eftir að hafa tapað fyrir Charlie Manby í 1. umferð heimsmeistaramótsins um jólin. Hann sló ítrekað í borð á sviðinu í Alexandra höllinni í Lundúnum, svo fast að það blæddi úr hendi hans.

„Ég hef enga tilfinningu í fingrunum vegna skaðans sem ég olli. Ef ég á að vera hreinskilinn hef ég stundum íhugað að hætta,“ sagði Menzies um meiðslin sem hann varð fyrir eftir uppákomuna í Ally Pally í desember síðastliðnum.

„Ég er ekki á góðum stað. Allir vita hvað gerðist á HM. Þetta er mikill skaði,“ sagði Menzies ennfremur, eftir sigur á Ritchie Edhouse á Opna pólska meistaramótinu í gær.

Sem betur sködduðust engar taugar í hægri hendi Menzies eftir að hann tók reiði sína út á borðinu og hann ætti að jafna sig með tíð og tíma. Menzies þurfti þó að fara í aðgerð og er enn í endurhæfingu.