Erlent

Boðaði þing­kosningar í skyndi

Silja Rún Sigurbjörnsdóttir skrifar
Rúmur mánuður er í kosningar í Færeyjum.
Rúmur mánuður er í kosningar í Færeyjum. Vísir/Vilhelm

Lögmaður Færeyja hefur boðað til þingkosninga í Færeyjum eftir rúman mánuð. Næstu kosningar áttu að vera í desember.

Ástæðan fyrir skyndilegum kosningum er að tillaga Aksels V. Johannessonar, lögmanni Færeyja, um útboð Suðureyjarganga var endanlega samþykkt af þinginu með 26 atkvæðum gegn sjö. Í kjölfar þess bað hann um orðið og boðaði til kosninga.

Töluvert ósætti hefur verið vegna veglínu Suðureyjarganga en samþykkt áætlun gerir ráð fyrir að vegurinn verði lagður þvert yfir Sandey til að tengja saman Suðureyjargöng og Sandeyjargöng.

Talið er að ríkisstjórnarsamstarfið hafi hangið á bláþræði vegna frumvarpsins. Forystumenn stjórnarflokkanna hafa ekki viljað viðurkenna það opinberlega en það lá fyrir að samþykkt Suðureyjarganganna var háð því að frumvarp um hækkun eftirlaunaaldurs hlyti brautargengi.

„Traustið milli stjórnarliða hefur í grundvallaratriðum ekki verið til staðar,“ er haft eftir Akseli V. Johannesson, lögmanni Færeyja, í Kringvarpinu.

Þingkosningarnar fara fram 26. mars en þær síðustu voru í desember árið 2022.

Færeyjar Kosningar í Færeyjum

Tengdar fréttir

Samþykktu Suðureyjargöng og hækkun eftirlaunaaldurs

Lögþing Færeyja samþykkti í kvöld frumvarp landstjórnarinnar um 24 kílómetra löng neðansjávargöng til Suðureyjar með 23 atkvæðum gegn 7 eftir aðra umræðu. Einn sat hjá. Þar með þykir ljóst að þessi langlengstu jarðgöng í sögu Færeyja verða boðin út en þriðja og síðasta umræða er sögð formsatriði. Undirskrift verksamnings er þó háð samþykki þingsins.

Mest lesið


Fleiri fréttir

Sjá meira


×

Mest lesið