Að­stoða blauta og kalda göngu­skíða­menn á Hofs­jökli

Fólkið heldur nú kyrru fyrir þar til björgunarsveitarfólk á sleðum og snjóbílum kemst að þeim, að því er kemur fram í tilkynningu frá Landsbjörg.

Þar segir einnig frá því að björgunarsveitirnar Blanda á Blönduósi og Strönd á Skagaströnd hafi verið kallaðar út vegna ferðalanga á breyttum jeppum sem höfðu farið norður Kjöl en lent í vandræðum skammt frá Hveravöllum rétt fyrir miðnætti.

Færðin hafði reynst þeim erfið og bilanir komu upp, meðal annars brotið framdrif, svo þeir komust ekki lengra.

Björgunarmenn gátu komið einum bíl af þremur niður en fólk úr hinum tveimur var tekið um borð í bíla björgunarsveita en bílarnir skildir eftir. Björgunarmenn komu til byggða rétt fyrir klukkan 10 í morgun eftir um átta tíma ferðalag.