Rúta út af og Þingvallavegi lokað

Þetta staðfestir Lárus Steindór Björnsson varðstjóri hjá slökkviliðinu á höfuðborgarsvæðinu í samtali við fréttastofu. Rútan er á Mosfellsheiðinni rétt fyrir utan afleggjara við Kjósarskarð.

Ekkert slys er á fólki en að sögn Lárusar er unnið að því að koma fólki úr rútunni til að ferja það frá svæðinu. Einn dælubíll var sendur frá slökkviliðinu en annars er málið á forræði lögreglunnar á Suðurlandi og er talsverður fjöldi viðbragðsaðila nú þegar á vettvangi.

Til að mynda var björgunarsveit Suðurlands kölluð út. Ekki liggur fyrir fjöldi ferðamanna í rútunni. Lárus reiknar með að vegurinn verði opnaður aftur seinna í dag.