Rændu verkum frönsku meistaranna sem metin eru á milljarða

Verkunum var stolið af safni í grennd við borgina Parma með þeim hætti að fjórir grímuklæddir menn ruddust inn á safnið og voru horfnir á innan við þremur mínútum. Svo virðist sem ránið hafi verið vel skipulagt og er mannanna nú leitað víða.

Atvikið átti sér stað þann 22. mars síðastliðinn en ekki var greint opinberlega frá því fyrr en í gær.

Málverkin þrjú eru samanlagt metin á um 1,2 milljarða íslenskra króna og er Les Poissons eftir Renoir lang verðmætast, en það er metið eitt og sér á um 870 milljónir króna.