Handbolti

Stjarnan og Grótta spila upp á sæti í efstu deild

Ágúst Orri Arnarson skrifar
Stjarnan stefnir á að halda sínu sæti í deildinni en Grótta ætlar að eigna sér það. 
Stjarnan stefnir á að halda sínu sæti í deildinni en Grótta ætlar að eigna sér það.  Vísir/Hulda Margrét

Stjarnan og Grótta munu mætast í úrslitaeinvígi upp á sæti í Olís deild kvenna í handbolta. Þetta varð ljóst eftir sigur liðanna í undanúrslitaeinvígjum gegn FH og Víkingi í kvöld.

Stjörnukonur eru að berjast um að halda sínu sæti í Olís deildinni og unnu 21-35 stórsigur á útivelli gegn FH í kvöld. Inga María Roysdóttir fór mikinn í þeim leik og skoraði 10 mörk.

Grótta gæti komist upp í úrvalsdeildina aftur, eftir 22-28 sigur á útivelli gegn Víkingi í kvöld. Grótta vann fyrri leikinn 29-16. Katrín Scheving Thorsteinsson var markahæst hjá Gróttu með 8 mörk í kvöld.

Vinna þarf þrjá leiki í úrslitaeinvíginu til að komast upp í Olís deildina. Fyrsti leikurinn í úrslitaeinvíginu fer fram 16. apríl og oddaleikurinn, ef hans er þörf, fer fram 29. apríl.

Stjarnan Grótta Olís-deild kvenna

Mest lesið


Fleiri fréttir

Sjá meira


×

Mest lesið