Dag­skráin: Oddaleikur í körfunni en Albert og fé­lagar þurfa lítið krafta­verk

Stórleikur kvöldsins er oddaleikur KR og Keflavíkur um sæti í undanúrslitum Bónusdeildar kvenna í körfubolta. Haukar, Njarðvík og Grindavík eru komin áfram og hér er barist um fjórða og síðasta sætið í undanúrslitaeinvígunum og um leið kemur í ljós hvaða lið mætast.

Evrópudeildin og Sambandsdeildin eru í sviðsljósinu í kvöld en þar geta liðin tryggt sér sæti í undanúrslitum keppninnar.

Okkar fulltrúi í baráttunni er Albert Guðmundsson hjá ítalska félaginu Fiorentina. Útlitið er samt ekki bjart eftir fyrri leikinn í átta liða úrslitum Sambandsdeildarinnar.

Fiorentina tapaði fyrri leiknum á móti Crystal Palace 3-0 og þarf því á kraftaverki í Flórens í kvöld að halda til að komast áfram.

Ensku liðin Aston Villa og Nottingham Forest eru bæði á heimavelli í Evrópudeildinni. Villa-menn eru í frábærum málum eftir 3-1 útisigur á Bologna en Forest-menn náðu 1-1 jafntefli á útivelli á móti Porto.

Á KKÍ TV má sjá leik eitt í báðum undanúrslitaeinvígunum í úrslitakeppni 1. deildar karla í körfubolta þar sem barist er um laust sæti í Bónusdeild karla næsta vetur.

Það verður einnig sýnt frá golfmóti og í lok kvölds verður bein útsending frá leik í bandarísku NHL-deildinni í íshokkí.

Hér fyrir neðan má sjá yfirlit yfir beinar útsendingar á sportstöðvunum í dag.

SÝN Sport Ísland

Klukkan 19.00 hefst bein útsending frá oddaleik KR og Keflavíkur í átta liða úrslitum Bónus-deildar kvenna í körfubolta.

Klukkan 21.10 hefst Bónus Körfuboltakvöld kvenna þar sem farið verður yfir leiki kvöldsins og hitað upp fyrir undanúrslitin sem eru fram undan.

SÝN Sport

Klukkan 18.50 hefst bein útsending frá leik Nottingham Forest og Porto í átta liða úrslitum Evrópudeildarinnar í fótbolta.

SÝN Sport 2

Klukkan 18.50 hefst bein útsending frá leik AEK Aþenu og Rayo Vallecano í átta liða úrslitum Sambandsdeildarinnar í fótbolta.

SÝN Sport 3

Klukkan 18.50 hefst bein útsending frá leik Celta og Freiburg í átta liða úrslitum Sambandsdeildarinnar í fótbolta.

Sýn Sport 4

Klukkan 22.00 hefst útsending frá JM Eagle LA Championship-golfmótinu á LPGA-mótaröðinni.

SÝN Sport Viaplay

Klukkan 18.50 hefst bein útsending frá leik Fiorentina og Crystal Palace í átta liða úrslitum Sambandsdeildarinnar í fótbolta.

Klukkan 00.05 hefst bein útsending frá leik Winnipeg Jets og San Jose Sharks í NHL-deildinni í íshokkí í Bandaríkjunum.

KKÍ TV 1

Klukkan 19.15 hefst bein útsending frá leik Sindra og Selfoss í undanúrslitum úrslitakeppni 1. deildar karla í körfubolta.

KKÍ TV 2

Klukkan 19.15 hefst bein útsending frá leik Breiðabliks og KV í undanúrslitum úrslitakeppni 1. deildar karla í körfubolta.