Hálfíslensk knattspyrnukona valin í norska lands­liðið

Þetta tilkynnir norska knattspyrnusambandið á samfélagsmiðlum.

Íris var valin í 23 ára landsliðið en hefur nú verið færð upp í A-landsliðið.

Landsliðsæfingarnar verða þær fyrstu sem Ómarsdóttir tekur þátt í með A-landsliðinu. Stabæk seldi sóknarmanninn til Fiorentina á Ítalíu í fyrra.

Íris er því liðsfélagi íslensku landsliðskvennanna Kötlu Tryggvadóttur og Hlínar Eiríksdóttur. Pabbi hennar er íslenskur en hún er uppalin í Noregi.

Íris er 22 ára framherji sem er með fimm mörk í sautján leikjum á sínu fyrsta tímabili í Seríu A.

Noregur vann Slóveníu 5–0 á Åråsen á þriðjudag og liðin mætast aftur í Ptuj á laugardag. Fyrir leikina urðu bæði Elisabeth Terland og Cathinka Tandberg að draga sig úr hópnum vegna meiðsla.

Landsliðsþjálfarinn Gemma Grainger beið með að kalla inn staðgengil þar til U23-landsliðið hafði lokið undanúrslitaleik sínum gegn Svíþjóð á Evrópumótinu. Þar tapaði Noregur og nú fær Íris tækifæri með A-landsliðinu.