Fjöl­breyttur hópur í dóm­nefnd Ung­frúar Ís­lands

Dómnefndin er skipuð þeim Einari Bárðarsyni, umboðsmanni og athafnamanni; Ingu Tinnu Sigurðardóttur, forstjóra Dineout; Kristni Óla Hrólfssyni, markaðsmanni og klippara; Patreki Jaime, áhrifavaldi og útvarpsmanni, og Töru Sif Birgisdóttur, dansara og fasteignasala.

„Dómnefndin mun leggja mat á frammistöðu keppenda með áherslu á framkomu, sjálfstraust og samskiptahæfni - þá eiginleika sem skipta sköpum fyrir hlutverk Ungfrú Ísland,“ segir í tilkynningu frá samtökunum Miss Universe Iceland.

Ungfrú Ísland 2026 fer fram í Gamla Bíó næstkomandi miðvikudag og hefst kl. 20:00. Kynnir er Eva Ruza og munu Klara Einars og Patr!k einnig stíga á svið. 

Úrslitakvöldið verður í beinni útsendingu á Vísi þar sem landsmenn geta fylgst með þegar Guðrún Eva Hauksdóttir, Ungfrú Ísland 2025, krýnir arftaka sinn. Einnig er hægt að kaupa miða til að vera í salnum á tix.is.