Íslenski boltinn

Draumabyrjun Þróttara en jafnt fyrir vestan

Ingvi Þór Sæmundsson skrifar
Frá leik Þróttar á síðasta tímabili
Frá leik Þróttar á síðasta tímabili Vísir/Diego

Þróttur vann 2-0 sigur á Njarðvík í 1. umferð Lengjudeildar karla í dag. Bikarmeistarar Vestra og Grindavík skildu jöfn á Ísafirði, 1-1.

Þrótti og Njarðvík er spáð góðu gengi í Lengjudeildinni í sumar en bæði lið komust í umspil um sæti í Bestu deildinni í fyrra.

Staðan í hálfleik var markalaus en á 60. mínútu kom Örn Bragi Hinriksson Þrótti yfir eftir sendingu frá Sigurði Agli Lárussyni. Þrettán mínútum síðar bætti Hlynur Þórhallsson öðru marki við og gulltryggði sigur Þróttara.

Grindavík náði forystunni á Ísafirði þegar Ingi Þór Sigurðsson skoraði á 19. mínútu. Hann skoraði þá með skemmtilegri hælspyrnu eftir sendingu frá Rafael Victor.

Á 58. mínútu jafnaði Sergine Fall metin í 1-1 eftir undirbúnings Gunnars Jónasar Haukssonar og þar við sat.

Upplýsingar um gang mála í leikjunum eru fengnar frá Fótbolta.net.

Lengjudeild karla Þróttur Reykjavík UMF Njarðvík Vestri Grindavík

Mest lesið


Fleiri fréttir

Sjá meira


×

Mest lesið