Tekur við sem fyrir­liði í ljósi hand­töku Tiger Woods

Fyrir handtöku Tiger Woods í mars fyrr á þessu ári hafði Tiger verið talinn líklegastur til að taka við fyrirliðahlutverkinu af Keegan Bradley. 

Í ljós erfiðra mála utan vallar dró Tiger Woods sig út úr allri slíkri umræðu og gaf ekki kost á sér í fyrirliðahlutverkið. 

Því hefur bandaríska landsliðið leitað til Jim Furyk sem verður þar með aðeins fjórði fyrirliði liðsins frá upphafi til þess að fara fyrir liðinu á fleiri en einu Ryder Cup móti frá árinu 1979. 

Á Ryder Cup mótinu etur landslið Bandaríkjanna á móti úrvalsliði Evrópu. Mótið er haldið á tveggja ára fresti. 

Bandaríkin eiga í vök að verjast á mótinu. Hafa tapað tveimur Ryder Cup mótum í röð. 

Furyk hefur haft puttana í landsliði Bandaríkjanna síðustu þrjátíu ár eða svo. Þá var hann fyrirliði liðsins árið 2018. Það árið laut landslið Bandaríkjanna í lægra haldi.