Ástin blómstrar hjá Svala og Birnu

„Innilega til hamingju með daginn elskan mín. Pant breyta í hjarta, aftur & aftur með þér næstu árin,“ skrifar Birna undir skemmtilegar myndir af parinu á ferð og flugi, meðal annars á fjöllum en parið er í fantaformi. 

Parið virðist hafa verið að slá sér upp í einhvern tíma ef marka má ævintýri þeirra á myndunum. Birna er með BS gráðu í íþróttafræði, kennir við Verkmenntaskólann á Akureyri og er einkaþjálfari hjá World Class. 

Svali skaust upp á stjörnuhimininn fyrir áratugum síðan og var meðal annars með morgunþáttinn Zúúber á FM957 sem naut gríðarlegra vinsælda. Nú starfar hann hjá Bylgjunni ásamt því að hafa verið með skipulagðar ferðir til Tenerife, þar sem hann bjó lengi. 

Birna var til viðtals í Kompási síðla árs 2023 eftir að hafa lent í hættulegu slysi á rafhlaupahjóli. Hún sagði þar mikilvægt að ræða þetta opinskátt til að reyna að koma í veg fyrir fleiri slík slys. Hér má sjá þáttinn: