Birna María og Egill eignuðust dreng

Frá þessu greina þau á Instagram. 

„28.04 kom fullkomni drengurinn okkar,“ skrifa þau við færsluna.

Birna og Egill eru bæði miklir hlauparar og útivistarfólk. Þau hafa tekið þátt í fjölda utanvegahlaupa og maraþona, hérlendis og erlendis.

Birna María starfaði áður hjá auglýsingastofunni Brandenburg, þar sem hún starfaði sem viðskiptastjóri og starfaði náið með fyrirtækjum á borð við Nova, Krónuna og PLAY.

Þá hefur hún látið mikið til sín taka á sviði þáttagerðar í sjónvarpi, þar sem hún þróaði m.a. hugmyndina og skrifaði handrit að þáttunum GYM sem sýndir voru á Stöð 2. Einnig sá hún um dagskrárgerð og umsjón með þáttunum Bibba flýgur og Áttavillt sem báðir hlutu tilnefningu til Eddunnar árið 2021.