Dag­skráin í dag: Stútfullur laugar­dagur

Besta deildin

Tveir grannaslagir eru á dagskrá í Bestu deild karla í fótbolta í dag og eftirvæntingin mikil. Riðið verður á vaðið norðan heiða þar sem Þór og KA eigast við í efstu deild í fyrsta sinn í 22 ár.

Leikur liðanna hefst klukkan 16:00 og er sýndur beint á Sýn Sport Ísland 2 frá klukkan 15:50.

Um kvöldið eigast svo við Reykjavíkurstórliðin Valur og KR. Aðeins þrjú stig skilja liðin að við topp Bestu deildarinnar og má búast við fullum velli og mikilli stemningu.

Sá leikur hefst klukkan 19:15 og er sýndur beint á Sýn Sport Ísland frá klukkan 19:00.

Bónus deild kvenna

Spennandi einvígi Keflavíkur og Hauka heldur áfram í Blue-höllinni í Reykjanesbæ í kvöld. Haukar leiða einvígið 2-1 fyrir leik kvöldsins.

Leikurinn hefst klukkan 19:15 en bein útsending hefst klukkan 18:45 á Sýn Sport Ísland 2.

Enski boltinn

Enginn hádegisleikur er í ensku úrvalsdeildinni þennan laugardaginn en lokaumferð Championship-deildarinnar fer fram klukkan 11:30. Wrexham og Middlesbrough berjast um umspilssæti og að komast beint upp.

Bein útsending frá leik þeirra hefst klukkan 11:25 á Sýn Sport Viaplay.

Doc Zone Hjörvars Hafliðasonar er á sínum stað klukkan 13:40 á Sýn Sport og þar verður þremur leikjum í ensku úrvalsdeildinni fylgt eftir.

Newcastle og Brighton eigast við frá klukkan 13:40 á Sýn Sport 3.

Brentford mætir West Ham og sá leikur í beinni frá 13:40 á Sýn Sport 5.

Þá eigast við Wolves og Sunderland frá klukkan 13:40 á Sýn Sport 6.

Seinni partinn mætir Arsenal svo liði Fulham í einum af þeim fjórum úrslitaleikjum sem Skytturnar eiga eftir fyrir lok móts. Sá leikur er í beinni frá klukkan 16:20 á Sýn Sport.

Formúla 1

Formúla 1 er loks snúin aftur eftir heljarinnar pásu sökum stríðsbrölts í Miðausturlöndum og keppnin fer fram í Miami í Flórída þessa helgina.

Sprettkeppni er á dagskrá klukkan 15:55 á Sýn Sport Viaplay.

Tímataka fyrir keppni morgundagsins er í kjölsogið, klukkan 19:55 á Sýn Sport Viaplay.

Meiri fótbolti, golf og íshokkí

Bayern Munchen hefur þegar tryggt sér þýska meistaratitilinn og hægt er að sjá meistarana er þeir mæta Heidenheim í þýsku úrvalsdeildinni klukkan 13:25 á Sýn Sport Viaplay.

Golfið er einnig á sínum stað. Turkish Airlines Open er í beinni frá klukkan 10:30 á Sýn Sport 4.

Þá fer fram lokahringur Íslandsmóts innanhúss í golfi, eða Landsmót í golfhermi, frá klukkan 19:00 á Sýn Sport Ísland 3.

Keppt er í Mexíkó á LPGA-mótaröðinni og bein útsending þaðan hefst klukkan 20:30 á Sýn Sport 4.

Deginum er svo lokað með íshokkí í NHL-deildinni. Knights og Mammoth eigast við frá klukkan 22:05 á Sýn Sport Viaplay.