„Vorum alltaf að segja, næsta kerfi, halda á­fram og halda haus“

„Ég er svo stolt af liðinu okkar“ sagði Danielle Rodriguez eftir sigurinn í kvöld en hún endaði stigahæst í liði Njarðvíkur með 24 stig.

„Við erum 8 stigum undir í hálfleik en við komum út í þriðja og fjórða leikhluta með mikilli ákefð og ég var ekki viss en við höldum þeim í þremur stigum í fjórða leikhluta. Við vorum að spila góða vörn og ég er mjög stolt af liðinu okkar“

Njarðvík lenti mest tólf stigum undir í kvöld en þær héldu haus og náðu að snúa þessu sér í hag.

„Við vorum alltaf að segja, næsta kerfi, halda áfram og halda haus. Leikurinn var alltaf að fara upp og niður“

Danielle Rodriguez skoraði síðasta stig leiksins af vítalínunni en það var ekki mikið skorað undir lok leiks.

„Ég var ekkert að horfa. Það voru tvær sekúndur eftir og ég ætlaði bara að byrja setja eitt ofan í og sjá svo hvernig færi“

Stuðningsmenn Njarðvíkur fjölmenntu í HS Orku höllina í kvöld og var aðdáunarvert að fylgjast með þeim styðja sitt lið í kvöld.

„Njarðvíkur stuðningsmenn eru stórkostlegir. Mig langar að sjá þetta og meira fyrir leikinn á þriðjudaginn og fá sömu orku“

Oddaleikurinn fer fram á þriðjudaginn en hvað vill Dani sjá í þeim leik?

„Bara það sama og í fjórða leikhluta, alveg það sama og í fjórða“ sagði Danielle Rodriguez.