Lífið

Glæsi­leg hæð í einu fal­legasta húsi Hlíðanna

Dóra Júlía Agnarsdóttir skrifar
Glæsileg hæð er komin á sölu á Flókagötu 9.
Glæsileg hæð er komin á sölu á Flókagötu 9. Eignamiðlun

Á horni Flókagötu og Stakkahlíðar stendur glæsilegt rautt hús sem grípur auga vegfarenda í hvert sinn. Í garðinum er fallegur gosbrunnur en lóðin er gróin og falleg með tyrfðum flötum og fjölbreyttum gróðri. Miðjuhæð hússins er nú komin á sölu og er ásett verð tæpar 148 milljónir.

Er um að ræða einstaklega fallega og vandaða 150 fermetra hæð með sérinngangi í glæsilegu og vel við höldnu steinhúsi við Flókagötu, þar af er 26 fermetra bílskúr sem breytt hefur verið í stúdíóíbúð.

Sérsmíðaðir, franskir gluggar og aukin lofthæð setja sterkan svip á hæðina ásamt fallegum gólf- og loftlistum og marmaragluggakistum. Húsið er þekkt kennileiti og þykir eitt af fallegri húsunum við Flókagötu.

Íbúðin er í eigu Hrafnhildar Ýrar Matthíasdóttur, deildarstjóra hjá heilbrigðis‑ og þjónustufyrirtækinu Stoð, og fjölskyldu hennar en þau hafa átt þarna frábær sex ár. 

Tignarleg lóð og fallegur gosbrunnur fremst. Eignamiðlun
Íbúðin er björt og glæsileg.Eignamiðlun
Sérsmíðaðir, franskir gluggar og aukin lofthæð setja sterkan svip á hæðina.Eignamiðlun
Gólf- og loftlistar og marmaragluggakistur.Eignamiðlun
Fallegur viður á rennihurðum inn í borðstofu.Eignamiðlun
Steinað gler í viðarhurðunum er einstaklega sjarmerandi.Eignamiðlun

Hér má nálgast nánari upplýsingar um eignina. 

Hús og heimili Fasteignamarkaður Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.