Rodgers ætlar aftur til Steelers

Rodgers er einn besti leikstjórnandi sögunnar en lengst af ferlinum lék hann með Green Bay Packers.

Hann spilaði með Pittsburgh Steelers á síðustu leiktíð og félagið vill endilega hafa hann áfram sem leikstjórnanda næsta vetur.

Rodgers hefur legið lengi undir feldi en er loksins að koma undan honum. Hann á fundi með Steelers um helgina og samkvæmt bandarískum fjölmiðlum ætlar hann að framlengja um eitt ár. Hann mun fá um 15 milljón dollara fyrir árið.

Steelers réð nýjan þjálfara til félagsins á dögunum en það er gamli þjálfari Rodgers hjá Packers, Mike McCarthy.