„Sýnir hvað við getum gert í þessari deild“

„Þetta var leikur tveggja kafla og þar spilaði vindurinn aðeins í leiknum“ sagði Natasha Anasi Erlingsson leikmaður Grindavík/Njarðvík en hún var fyrirliði liðsins í kvöld.

„Í fyrri hálfleik náðum við að pressa eins og við vildum gera en aðeins meira að þrauka í seinni hálfleik og reyna að gera okkar besta á móti vindi en samt náðum við að setja boltann niður og reyna að spila út“

„Vindurinn gerði aðstæðurnar aðeins erfiðari en ég held að við náðum að eiga vel við það í dag“

Grindavík/Njarðvík sótti mikið í fyrri hálfleik og hótaði markinu oft áður en það loksins kom.

„Þetta var mjög sætt að sjá boltann fara inn og mér fannst eins og við værum með fleiri sénsa sem áttu að fara inn en þá fór það í stöngina þrisvar og ég átti líka séns þarna sem endaði í hliðarnetinu“

„Þetta var mjög sætt að sjá þetta og svo líka með Rakel þarna lengst í fjærhorninu, þetta var bara geggjað“

Rakel Sigurðardóttir skoraði annað mark gestana stuttu eftir fyrsta markið með frábæru skoti utan af kannti og gestirnir leiddu með tveim inn í hálfleik.

„Eins og þeir segja alltaf þá er erfiðasta forysta að halda 2-0 því þú þarft að vera með einbeitingu á fullu og allir með fókus. Ég held að við náðum að gera það þó þær skoruðu bara stuttu seinna í síðari hálfleik“

„Við vorum bara mjög skipulagðar og náðum að halda því sem við ætluðum að gera í dag“

Þróttur minnkaði muninn snemma í seinni hálfleik og því var mikilvægt að halda haus.

„Það var mjög mikilvæg. Ég held að við séum búnar að lenda undir í flestum leikjum núna í sumar svo ég held að við kunnum að eiga við það. Það var sterkt að ná í þrjú stig í dag“

Sigurinn í kvöld gefur liðinu mikið sjálfstraust en þetta var öflugur sigur á erfiðum útivelli.

„Þetta gefur okkur mikið. Við erum nýliðar í deildinni og að spila á móti svona rosalega góðu Þróttara liði sem er búið að standa sig vel og hóta því að vinna titilinn það gefur okkur rosalega mikið og sýnir hvað við getum gert í þessari deild“ sagði Natasha Anasi Erlingsson.