Lýsa yfir neyðar­á­standi vegna ebólufar­aldursins

Að minnsta kosti áttatíu og átta eru taldir látnir af völdum veirunnar í Austur-Kongó og rúmlega þrjú hundruð manns hafa greinst smitaðir, að sögn AP-fréttastofunnar.

Ekkert bóluefni er til gegn Bundibugyo-afbrigði veirunnar sem er ráðandi í faraldrinum og færri úrræði eru til þess að meðhöndla það en önnur afbrigði veirunnar.

WHO varar við því að mikil hætta sé á að faraldurinn berist til nágrannalandananna. Tvö tilfelli hafa þegar verið staðfest í Úganda en þar lést maður sem kom frá Austur-Kongó.

Neyðarástand á heimsvísu er næstefsta viðbúnaðarstig Alþjóðaheilbrigðisstofnunarinnar, næsta fyrir neðan heimsfaraldur. Stofnunin mælir ekki með því að landamærum verði lokað vegna faraldurins í Afríku.

Ebólaveiran er afar smitandi og mannskæð. Hún smitast þegar fólk kemst í snertingu við líkamsvessa, ælu, blóð eða sæði.