Tvö­föld úr­slit hjá Lilju Katrínu í Úsbek­istan

Fimleikasambandið fjallar um árangur Lilju og Rakelar á heimasíðu sambandsins.

Lilja Katrín keppti á tvíslá, slá og gólfi og komst örugglega inn í úrslit á slá og gólfi. Hún var ekki langt frá úrslitum á tvíslánni líka en þar er hún fyrsti varamaður.

Tvísláin vafðist aðeins fyrir Lilju í fyrradag, en fall á óheppilegum stað setti stórt strik í reikninginn.

Sláin hjá Lilju var algjörlega frábær og skilaði æfingin henni 12.050 stigum og 6. sætinu inn í úrslitin.

Gólfæfingarnar hennar Lilju voru eigi síðri, þær skiluðu henni 11.800 stigum og 7. sætinu inn í úrslitin á sunnudag.

Rakel Sara, sem var að keppa á sínu fyrsta heimsbikarmóti, framkvæmdi tvö glæsileg stökk í gær þar sem hún reyndi við nýtt seinna stökk. Endaði hún ellefta með 12.250 stig.

Úrslitin fara fram um helgina, þar sem keppt er á stökki og tvíslá á morgun og slá og gólfi á sunnudag. Eurovisionsport mun sýna frá mótinu í beinni og hægt er að fylgjast með einkunnum í Elevien Appinu.