Alvöru þægindi eftir átján holur

BL 12. júní 2026 08:50

Hlynur Sigurðsson, framleiðandi og forfallinn golfari er ánægður með lúxusþægindin í Hongqi EHS7.

„Golfhringur getur tekið fjórar til fimm klukkustundir og eftir hann er gott að setjast inn í bíl sem býður upp á alvöru þægindi,“ segir Hlynur Sigurðsson, framleiðandi og forfallinn golfari en hann lætur fara vel um sig í Hongqi EHS7 rafmangsbílnum frá BL í þáttunum Golfarinn á Sýn sem hann stýrir ásamt Ingu Lind.

Hongqi EHS7 er stór, alrafmagnaður lúxusjeppi, afar rúmgóður og vinsæll hjá þeim sem þurfa gott pláss og vilja ferðast þægilega. Nudd í leðurklæddum sætum og dempuð hljóðvist inni í bílnum gera mikið eftir langan dag á golfvellinum en það er líka hægt að hækka í græjunum, bíllinn er búinn 19 hátölurum.

Hlynur og Inga Lind stýra þættinum Golfarinn á Sýn og keyra milli golfvalla á glæsilegum Hongqi EHS7.

Skottið tekur endalaust við

Hlynur segir þó stærsta tromp þessa bíls vera hve hann er rúmgóður. Allir hafi mikið fótarými, líka þau sem sitja aftur í og vel fari um fullorðna golffélaga í aftursætunum. Svo er víst nóg pláss fyrir golfsettin.

„Farangursrýmið í bílnum er mjög stórt svo við komum öllu vel fyrir, skottið gleypir auðveldlega fleiri en eitt golfsett, kerru og annan farangur,“ segir Hlynur.

Auk þess er hægt að leggja aftursætin niður ef flytja þarf meira og skottið er rafstýrt með fótaskynjara. „Það held ég að margir golfarar kunni að meta, að geta opnað skottið án þess að þurfa að leggja allt frá sér,“ segir Hlynur.

Drægni fyrir golfhelgar sumarsins

HS7 er fjórhjóladrifinn, dregur allt að 540 km WLTP, er með 111 kWh rafhlöðu og ætti t.d. að komast að sumri til norður á Akureyri á einni hleðslu. Það má því þræða golfvellina hringinn í kringum landið í sumar án þess að þurfa að hlaða oft og á langferðum skipta akstursþægindin máli. Loftfjöðrun bílsins og rafstýrðir demparar skila afar mjúkum akstri á vegunum.

„Við erum búin að vera á bílnum núna í nokkra daga og mér finnst mjög þægilegt að keyra hann. Hann rennur mjúklega. Hann er stór en það kemur á óvart hvað hann er lipur og auðvelt að leggja,“ segir Hlynur en bíllinn er búinn 360° myndavélakerfi.

„Þessi bíll hentar mjög vel í golfferðirnar. Pláss fyrir kylfurnar, skóna, kerrurnar og allt dótið, og svo keyri ég bara af stað með nuddið í gangi og þá er ég klár í átján holu hring eftir vinnu,“ segir Hlynur.