Fluttur á sjúkra­hús eftir að hafa ekið á kyrr­stæðan bíl úti í vegkanti

Víkurfréttir greindu fyrst frá en útkallið barst klukkan 18.14 í kvöld að sögn slökkviliðs.

„Þetta er bíll sem ekur á kyrrstæðan bíl sem var mannlaus úti í kanti. Sá sem ók á hann lenti svo utan vegar. Einn maður í þeim bíl sem var fluttur til HSS til skoðunar,“ segir Herbert Eyjólfsson hjá Brunavörnum Suðurnesja í samtali við Vísi. 

Það var ekki að sjá að ökumaðurinn væri með nokkra lífshættulega áverka, að sögn Herberts, sem tekur þó fram að mikið tjón sé á bíl ökumannsins.

„Hann gæti verið ónýtur bíllinn,“ bætir hann við en nefnir að bæði ökutækin séu afar illa farin. 

Nú sé störfum slökkviliðs á vettvangi lokið.