Fá góðar mót­tökur í Dallas

Noregur endaði í öðru sæti I-riðils og komst því áfram í 32-liða úrslit. Þetta er í fyrsta skipti sem Noregur kemst upp úr riðlakeppninni síðan árið 1998.

Fagn Norðmanna hefur farið eins og eldur í sinu um netið þar sem verið er að róa að hætti víkinga. Ekki allir Norðmenn vilja taka þátt í fagninu en einhverjum finnst það líkjast víkingaklappi okkar Íslendinga.

Norska liðið lenti í dag á flugvellinum í Dallas þar sem liðið á leik á morgun gegn Fílabeinsströndinni í 32-liða úrslitum HM í fótbolta. Þar voru lögreglumenn starfandi á flugvellinum byrjaðir að róa að hætti norskra stuðningsmanna til að taka á móti norska liðinu.

Sigurvegari leiksins mætir Brasilíu í 16-liða úrslitum.