Úkraínu­menn kaupa sex­tán Gripen E frá Sví­þjóð

Vólódimír Selenskí Úkraínuforseti greindi frá samkomulaginu á Telegram, þar sem hann sagði að fyrstu þoturnar yrðu afhentar á næsta ári. Þess ber að geta að forsvarsmenn Saab hafa sagt að þoutrnar verði ekki afhentar fyrr en á árunum 2029 til 2030.

Danir tilkynntu einnig í gær um stuðning við Úkraínu, sem metinn er á um 84 milljarða króna. Fjármununum verður varið til vopnaframleiðslu og -kaupa.

Yfirherforinginn Oleksandr Syrskyi sagði í samtali við fjölmiðla í Úkraínu í gær að herinn væri að undirbúa viðbragð við mögulegri árás Rússa úr norðri. Hann sagðist þó ekki eiga von á því að sótt yrði að Kænugarði. 

Tveir létust og að minnsta kosti fimmtán særðust í árásum Rússa í borginni Zaporizhzhia í gær, að sögn ríkisstjórans Ivan Fedorov.