Erlent

Þingið sam­þykkir stjórnarskrárviðauka til að koma for­setanum frá

Hólmfríður Gísladóttir skrifar
Nýr viðauki kveður á um að þingmenn geta aðeins setið þrjú kjörtímabil, sem þýðir að meirihluti þingmanna Fidesz mun ekki geta sóst eftir endurkjöri.
Nýr viðauki kveður á um að þingmenn geta aðeins setið þrjú kjörtímabil, sem þýðir að meirihluti þingmanna Fidesz mun ekki geta sóst eftir endurkjöri. Getty

Ungverska þingið samþykkti í gær, með rúmum meirihluta, nýjan viðauka við stjórnarskrá landsins sem miðar að því að víkja forsetanum Tamás Sulyok úr embætti. Sulyok var stuðningsmaður Victor Orbán, fyrrverandi forsætisráðherra.

Péter Magyar, núverandi forsætisráðherra, hafði hvatt Sulyok til að segja af sér en forsetinn sat sem fastast. Tisza-flokkur Magyar vann hins vegar stórsigur á Fidesz-flokki Orbán í þingkosningunum 12. apríl síðastliðinn og nýtti sér rúman meirihlutann á þinginu til að samþykkja stjórnarskrárbreytinguna.

Sulyok hefur nú fimm daga til að undirrita lögin eða vísa málinu til stjórnarskrárdómstóls landsins. Þess ber að geta í því samhengi að nýr viðauki kveður einnig á um að dómarar við stjórnarskrárdómstólinn sem eru eldri en 70 ára verði að víkja. Forseti dómstólsins kominn yfir aldursmörkin.

Magyar hefur hótað því að hefja kærumeðferð á hendur Sulyok ef hann fer ekki frá.

Þingmenn Fidesz-flokksins gengu úr þingsal áður en atkvæðagreiðslan fór fram en þeir hafa sakað Magyar um grimmdarstjórnun. 

Ungverjaland

Mest lesið


Fleiri fréttir

Sjá meira


×

Mest lesið