Ekki lengur á­kærður fyrir til­raun til manndráps

Kemur þetta fram í umfjöllun danska ríkisútvarpsins en seinni lið ákærunnar, tilraun til manndráps, hefur nú verið breytt í ákæru um grófa líkamsárás. Málið er  tengslum við skotárás í bænum Nørresundby norðan við Álaborg um hádegisbil á föstudag.

Þrír urðu fyrir skoti í árásinni og lést sextíu og tveggja ára óbreyttur borgari. Hinn ákærði hefur verið úrskurðaður í gæsluvarðhald í fjórar vikur til að byrja með, til 14. ágúst, en hann hefur játað að hafa orðið manninum að bana.

Áður var maðurinn ákærður fyrir tilraun til manndráps á lögreglumanni sem hann skaut í fótinn. Þar játaði hann að hafa staðið að verki en sagði ásetninginn ekki hafa verið að drepa lögreglumanninn.

Hann hefur sagst ekki muna hvað gerðist á föstudaginn en kinkaði þó kolli játandi við spurningunni um hvort hann hefði verið á heimilisfanginu þar sem skotbardaginn átti sér stað.