Stoltur af argentíska liðinu

Argentína tapaði gegn Spáni í úrslitum heimsmeistaramótsins í fótbolta og hefur hegðun argentíska landsliðsins á mótinu verið gagnrýnd. Sérstaklega hegðunin í úrslitaleiknum þar sem brutust út slagsmál eftir leikinn.

Enzo Fernandez er einn af lykilmönnum argentíska landsliðsins en hann fékk rautt spjald í úrslitaleiknum eftir glannalegt brot á Pau Cubarsi. Hann segir í færslu á samfélagsmiðlum að argentíska landsliðið hafi verið landi sínu til sóma.

„Þessi hópur hefur verið fulltrúi landsins á besta mögulega hátt. Keppnin snýst ekki bara um sigur heldur að leggja allt í sölurnar og gefast aldrei upp þegar maður klæðist argentísku treyjunni. Það eru forréttindi að vera hluti af hópi sem keppir á hæsta stigi og berst með stolti, auðmýkt og heillindum.“

Í færslunni minnist hann ekkert á rauða spjaldið sem hann fékk né slagmálin í lok leiks.

„Það er mesti heiður ferilsins að klæðast treyju þjóðar minnar og ég mun halda áfram að leggja allt í sölurnar í hvert sinn sem ég klæðist henni.“