Minning Jorge Messi heiðruð víða um heim

Mínútuþögn var fyrir leikinn og báru leikmenn beggja liða sorgarbönd. Nafn Jorge Messi birtist síðan á stórum skjám á vellinum. 

Inter Miami bætti við svörtum borða á prófílmynd sína á samfélagsmiðlum og í yfirlýsingu frá félaginu sagði: 

„Hugur okkar er hjá fyrirliða okkar, Leo, og allri Messi fjölskyldunni. 

Liðsfélagi Messi hjá bæði Inter Miami og argentínska landsliðinu, Rodrigo de Paul skoraði fyrsta mark leiksins, sem endaði með 2-1 sigri Monterrey, of fagnaði með því að fara úr treyju sinni þar sem við blasti treyja Messi. 

Stuðningsmenn á vellinum voru margir hverjir með heimagerð skilti þar sem á voru ritaðar stuðningskveðjur til Messi og fjölskyldu hans. 

Þá var einnig mínútuþögn fyrir æfingarleik Barcelona gegn Nottingham Forest í gær en Lionel Messi er goðsögn í sögu félagsins og Jorge var með honum á Spáni er Messi var ungur að árum, aðeins 13 ára gamall, keyptur til félagsins.

Í yfirlýsingu þakkaði Barcelona Jorge Messi fyrir hans staðfasta samband við félagið. 

„Fyrir að treysta okkur fyrir upphafinu og sigursælustu árum Leo á hans knattspyrnuferli.“

Í Argentínu, fyrir framan æskuheimili Messi í Rosario voru lagðir niður fánar og blómvendir. Mínútuþögn var einnig viðhöfð fyrir leiki þar í landi.