Berjast fyrir lausn Arons Pálma

Íslenski stuðningsmannahópurinn sem vann að því að ná Bobby Fischer úr haldi í Japan hefur ákveðið að einhenda sér í næsta baráttumál. Markmið hópsins að þessu sinni er að fá Aron Pálma Ágústsson, 21 árs íslenskan dreng sem var dæmdur til tíu ára refsivistar í Texas í Bandaríkjunum, leystan úr haldi. Í tilkynningu frá hópnum er ekki greint frá því hvernig hann hyggist fá þessu framgengt en þar segir hins vegar að beitt verði bæði hefðbundnum og óhefðbundnum aðferðum.