90 prósent landsmanna eiga farsíma

Níu af hverjum tíu Íslendingum eiga farsíma. Hins vegar veit innan við fimmtungur þeirra hvað mínútan í farsímtali kostar og enn færri hvað það kostar á hringja á milli síma hjá farsímafyrirtækjunum tveimur, Símanum og Og Vodafone. Þetta kemur fram í nýrri könnun sem IMG Gallup gerði fyrir Póst- og fjarskiptastofnun í apríl. Einnig kemur í ljós að tiltölulega fáir skipta um GSM-þjónustuaðila því einungis tæplega 16 prósent aðspurðra höfðu gert það á síðustu tveimur árum. Þá telur tæplega helmingur símnotenda upplýsingar frá fjarskiptafyrirtækjum flóknar. Könnunin náði til tæplega 1300 manns á aldrinum 16-75 ára á landinu öllu. Svarhlutfall var rúmlega 62 prósent.