Kveiktu í mosa og sinu á æfingu

Þyrla frá Varnarliðinu kveikti óvart eld í sinu og mosa sem nú brennur við Litla Sandfell í Þrengslum skammt frá þjóðveginum. Slökkvilið Þorlákshafnar með aðstoð slöllviliðsins í Hveragerði er á staðnum að berjast við eldinn. Samkvæmt upplýsingum lögreglunnar á Selfossi var þyrlan á æfingu og sleppti reykblysi á þurra jörðina. Guðni Þór Ágústsson, slökkviliðstjóri Þorlákshafnar, segir eldinn erfiðan viðureignar vegna mikils vinds og vatnsskortur hamli slökkvistarfi og hefur verið kallað eftir aðstoð slökkviliðs á höfuðborgarsvæðinu.