Þrír ernir í Leiru í dag

Nú er verið að leika þriðja hring á Íslandsmótinu í golfi í Leiru. Þórdís Geirsdóttir er efst í kvennaflokki á 8 höggum yfir pari. Þordís er með 5 högga fyrystu á næstu konu sem er Nína Björk Geirsdóttir. Heiðar Davíð Bragason er efstur í karlaflokki á 4 höggum undir pari. Björgvin Sigurbergsson úr GK hóf leik í dag með glæsibrag, fékk örn á fyrstu holu, sem er par-5. Björgvin var á einu höggi yfir pari fyrir hringinn í dag og er því kominn einn undir strax eftir fyrstu holu. Félagi hans úr GK, Haukur Jónsson náði einnig erni á fyrstu holu eins og Björgvin og rétt í þessu var Sigurpáll Geir Sveinsson úr GKj að fá örn á sinni fyrstu holu en hann var á pari fyrir hringinn í dag og því kominn tvo undir.  Þrír ernir hafa því litið dagsins ljós í dag. Heiðar Davíð Bragson og Ólafur Már Sigurðsson fengu fugl á fyrstu holu, en þessir þrír eru í síðasta hollinu.