Lík Menezes flutt til Brasilíu

Flogið var með lík mannsins sem lögreglan í London skaut á Stockwell lestarstöðinni í vikunni, til Brasilíu í gær. Hinn 27 ára Jean Charles de Menezes var skotinn í höfuðið, alls átta sinnum, eftir að hafa hunsað fyrirmæli lögreglunnar um að stoppa. Stefna lögreglunnar um að skjóta til að drepa hefur verið harðlega gagnrýnd og hafa mótmælendur sagt lögregluna verða að finna aðrar leiðir til að vernda borgara sína. Minningarathöfn um de Menezes verður haldin í Westminster kirkjunni í London á sama tíma og útför hans fer fram í Brasilíu.