Pallbíll á kaf í Jökulsá

Lítll pallbíll á vegum Slippstöðvarinnar á Akureyri fór út af veginum við Jökulsá við Kárahnjúka skömmu eftir hádegið með þeim afleiðingum að hann stakkst á bólakaf í ána. Mikið mildi þykir að ekki fór verr en raun bar vitni þar sem fjórir voru í bílnum þegar atburðurinn átti sér stað. Fólkið komst út úr bílnum af eigin rammleik og þaðan í land. Ekki er vitað hvernig bíllinn lenti í ánni en þar sem óhappið átti sér stað er ekið af malbiki yfir á malarveg. Lögreglan á Egilsstöðum var nýkomin á vettvang nú skömmu fyrir þrjúfréttir.