Maður sem leitað var að fundinn

23 ára Þjóðverji sem leitað var að á Hornströndum eftir að hann varð viðskila við gönguhóp sinn þar í gær er fundinn. Ekkert amaði að honum. Að sögn lögreglu á Ísafirði sagðist maðurinn hafa ákveðið að skoða sig um á svæðinu og hitta svo ferðafélaga sína í Hornvík og var hann því mjög hissa þegar hann heyrði að hans væri leitað. Fjölmennt björgunarlið var kallað út til leitarinnar ásamt þyrlu Landhelgisgæslunnar auk þess sem leitað var á sjó á bátnum Sædísi. Mikil þoka var á svæðinu þegar maðurinn varð viðskila við hópinn og var óttast um afdrif hans þar sem ferðaveður varr slæmt, blautt og rigning.