Bandaríkjamanns leitað á hálendinu

Björgunarsveitir frá Höfn í Hornafirði og Egilsstöðum leituðu í nótt á hálendinu að bandarískum ferðamanni sem skilaði sér ekki til byggða á tilætluðum tíma. Að sögn lögreglu á Höfn var maðurinn á leið frá Snæfelli, en ætlaði að koma niður af hálendinu á Lónsöræfum við Illakamb um klukkan tvö í gær. Aðstæður til leitar voru erfiðar í gær, dimmt yfir með roki og kalsa og grennsluðust björgunarsveitirnar fyrir um hvort maðurinn hafi haldi kyrru fyrir í skála einhvers staðar. Hafi maðurinn ekki komið í leitirnar í nótt, verður tekin ákvörðun um frekari leit þegar morgnar.