Einn blóðugur eftir slagsmál

Aðfaranótt sunnudags barst lögreglu í Keflavík tilkynning um slagsmál í Sandgerði, en þau voru yfirstaðin þegar komið var á vettvang. Einn var á staðnum blóðugur í andliti og var hann fluttur á sjúkrahús til skoðunar, að því er fram kemur í dagbók lögreglu. Þá voru tveir ökumenn stöðvaðir um nóttina grunaðir um ölvun við akstur og einn kærður fyrir að aka bíl réttindalaus. Að kvöldi laugardags var maður gripinn á 123 kílómetra hraða á Grindavíkurvegi þar sem hámarkshraði er 90 og einn kærður fyrir að vera með kveikt þokuljós á bíl sínum þrátt fyrir gott skyggni.