Hálfleikur í Meistaradeildinni

Nú er kominn hálfleikur í leikjunum átta í Meistaradeild Evrópu. Bayern Munchen hefur yfir 1-0 gegn Club Brugge frá Belgíu, Juventus leiðir 1-0 gegn Rapid Vín, þar sem David Trezeguet skoraði mark ítalska liðsins. Arsenal er yfir 1-0 í hálfleik gegn Ajax Amsterdam og það var Freddie Ljungberg sem skoraði mark enska liðsins strax á annari mínútu leiksins. Ryan Giggs skoraði eina mark Manchester United gegn Benfica á Old Trafford beint úr aukaspyrnu á 39. mínútu og staðan þar er 1-0. Barcelona er að vinna Udinese 3-1 á Spáni, þar sem Ronaldinho hefur skorað tvö mörk og Deco eitt, en Felipe skoraði mark ítalska liðsins. Panathinaikos hefur yfir 2-1 gegn Werder Bremen í Grikklandi og markalaust í leik Lille frá Frakklandi og Villareal frá Spáni og í leik Thun og Sparta Prag.