Enn tapar Everton

Þrumfleygur Danny Mills af 25 metra færi á 71. mínútu og mark á lokasekúndum leiksins frá Darius Vassell tryggði Manchester City 2-0 sigur á Everton í ensku úrvalsdeildinni í fótbolta nú í hádeginu. Hvorki gengur né rekur hjá David Moyes með Everton sem er í neðsta sæti deildarinnar með 3 stig sem liðið fékk fyrir sigur á Bolton í 2. umferð. Síðan hefur liðið tapað 5 leikjum í röð og ekki skorað mark í 488 mínútur en markatala Everton efir 7 leiki er 1:7. Man City er hins vegar í talsvert betri málum í 6. sæti með 14 stig að loknum 7 leikjum. Fjórir aðrir leikir eru á dagskrá deildarinnar í dag. Það er markalaust í halfleik hjá Wigan Athletic og Bolton og sömuleiðis  hjá Arsenal og Birmingham en sá leikur hófst kl. 12:30. Kl.  13:00 hefst leikur Aston Villa og Middlesbrough og kl. 14:00 hefst stórleikur Liverpool og Chelsea.