Vonast eftir fleirum á útifund en fyrir 30 árum

Vonir standa til að jafnmargir, og helst fleiri, mæti á útifundinn á kvennafrídaginn á morgun en fyrir þrjátíu árum. Erlendir fjölmiðlar sýna baráttunni hér á landi áhuga.

Á morgun eru þrjátíu ár frá því konur lögðu niður störf og kröfuðst úrbóta á kynjamisréttinu og til að sýna hversu mikilvægar þær væru í atvinnulífinu. Konur eru hvattar til að leggja niður störf átta mínútur yfir tvö á morgun en þá hafa þær unnið fyrir laununum sínum þegar litið er til þess að þær hafa rúm 64 prósent af launum karla.

Sumar konur sem fá frí á morgun eða leggja niður vinnu verða á launum en aðrar ekki. En hvernig myndi femínistafélagið vilja sjá staðið að því. Katrín Anna Guðmundsdóttir, talskona Femínistafélagsins, segir

Katrín Anna segist helst vilja sjá starfsfók fá frí í samráði við atvinnurekandann þar sem jafnréttismál séu mál allra. Margir vinnuveitendur hafa auglýst í dag að lokað verði á morgun vegna kvennafrísins.

Erlendir fjölmiðlar hafa sýnt kvennafrídeginu nokkrun áhuga.

Það verður ekki bara baráttuhátíð í Reykjavík heldur mjög víða um landið eins og í Vestmannaeyjum, Stykkishólmi, Ísafirði Akureyri, Neskaupsstað, Sauðárkróki, Egilsstöðum, Höfn og Blönduósi. Lögreglan í Reykjavík verður með viðbúnað og verður götum lokað eftir þörfum en búast má við töfum á hefðbundinni umferð. Framkvæmdastjóri Paff Borgarljósa, Margrét Kristmannsdóttir er einnig formaður kvenna í atvinnurekstri og er hún ákveðin í að taka þátt í baráttunni.

Margrét þarf ekki að loka á morgun því þeir sem ekki ætla sér í gönguna eru nógu margir til að halda rekstrinu gangandi.