Íslandsbanki fékk tvenn verðlaun fyrir vef sinn

Íslensku vefverðlaunin voru afhent við hátíðlega athöfn í Iðnó í dag. Þetta var í fimmta sinn sem verðlaunin voru veitt en þau fá þeir vefir sem taldir eru skara fram úr á sínu sviði. Verðlaunum var úthlutað í fimm flokkum og var mbl.is valinn besti íslenski vefurinn. Íslandsbanki fékk tvenn verðlaun fyrir vef sinn, isb.is, annars vegar fyrir besta útlits- og viðmótshönnun og hins vegar fyrir besta fyrirtækjavefinn. Þá fékk Skjárinn verðlaun fyrir besta afþreyingarvefinn og Árni Torfason verðlaun fyrir besta einstaklingsvefinn, arni.hamstur.is.