Miðasala á Lisu Ekdahl hefst í dag

Miðasala á tónleika Lisu Ekdahl þann 24. mars hefst í dag kl. 10. Lisa Ekdahl er mörgum kunn á Íslandi enda kom hún hingað til lands og hélt tvenna tónleika fyrir troðfullu húsi í Austurbæ fyrir einu og hálfu ári síðan. Miðar á þá tónleika seldust upp á tveimur klukkutímum og er því ljóst að Lisa á marga aðdáendur á Íslandi.

Tónleikarnir núna eru hluti af tónleikaferð hennar um Norðurlöndin sem hefst í Danmörku þann 10. febrúar nk. Tilefnið er útkoma hljómplötunnar Pärlor Av Glas sem kemur út þann 18. janúar nk. Fyrsta smáskífan með laginu Vraket af þeirri plötu er væntanleg nú fyrir jólin.

Miðar eru seldir á vefsíðunni midi.is og í verslunum BT og Skífunnar.