John Terry er nýr fyrirliði

John Terry, varnarmaður Chelsea, er hinn nýi fyrirliði enska landsliðsins undir stjórn Steve McClaren, en þetta var tilkynnt í gær. Hann tekur við fyrirliðabandinu af David Beckham sem lét það af hendi eftir heimsmeistarakeppnina í sumar. Þá var Steven Gerrard, miðjumaður Liverpool, gerður að varafyrirliða.

Terry mun því bera fyrirliðabandið í vináttulandsleik gegn Grikklandi hinn 16. ágúst en leikurinn verður jafnframt fyrsti leikur McClaren sem landsliðsþjálfara.