Smyglaði inn munntóbaki

 Fyrrverandi lögreglumaður hjá embætti Lögreglustjórans á Keflavíkurflugvelli var í gær dæmdur í héraðsdómi Reykjavíkur fyrir brot gegn tóbaksvarnarlögum.

Maðurinn, sem er tuttugu og fimm ára, var dæmdur fyrir að hafa tekið við þrjátíu dósum af munntóbaki úr hendi annars manns, sem keypti tóbakið í Svíþjóð. Lögreglumaðurinn fyrrverandi ætlaði tóbakið til eigin neyslu og sölu.

Maðurinn játaði brot sitt skýlaust fyrir dómi og var hann dæmdur til að greiða 7.500 krónur í ríkissjóð.