Calderón næsti forseti Mexíkó

Kjördómstólar í Mexíkó úrskurðuðu í gær að Felipe Calderón væri sannlega sigurvegari forsetakosninganna, sem fram fóru í júlímánuði.

Andstæðingur Calderóns, López Obrador, hafði krafist þess að öll atkvæði kosninganna yrðu endurtalin, en einungis munaði 0,6 prósentum á frambjóendunum. Hann hefur hótað því að fylgismenn sínir muni hunsa næstu ríkisstjórn landsins.

Vicente Fox, núverandi forseti landsins,bauð Obrador til viðræðna í gær eftir að úrslitin voru kunngjörð.